Skilti bæjarins

Fjölmörg skilti er að finna á Akureyri, Hrísey og Grímsey. Kynning á skiltunum og hlekkir á sjálf skiltin má finna hér fyrir neðan auk þess að hægt er að nota  flýtistikuna hér til hægri

Söguvörður

Í tilefni 150 ára afmælis Akureyrarkaupstaðar voru reist skilti víðsvegar um eldri hluta bæjarins sem segja sögu hvers staðar fyrir sig. Skiltin eru gjöf Norðurorku til bæjarins. Minjasafnið, Akureyrarstofa og Framkvæmdardeild Akureyrarbæjar hafa staðið að gerð skiltanna. Skiltin gera grein fyrir sögu húsa og staðhátta í máli og myndum, alla leið frá Oddeyrarbryggju meðfram Strandgötunni inn að Ráðhústorgi í miðbæ Akureyrar og áfram suður í Innbæinn.

Hönnun skiltana var í höndum Teikn á lofti og jón Hjaltason sagnfræðingur ritaði textann. Myndirnar koma frá Minjasafninu á Akureyri og Þjóðminjasafninu.

Skiltin eru með smartkóða (QR-kóða) sem auðvelda þeim sem eru með snjallsíma að ná ýmiskonar viðbótar fróðleik um skiltin.
Hér fyrir neðan eru einnig fleiri skilti sem finna má í bæjarlandinu, þar með talið Grímsey og Hrísey.
Akureyri - söguskilti: 

Akureyri - Útivistarsvæðin:

Grímsey:

Hrísey:  

Lestrarganga Barnabókaseturs

Skemmtilegar járnbækur varða leiðina frá Amtsbókasafninu að Nonnahúsi. Á síðum bókanna má finna brot úr völdum íslenskum barnabókum frá ýmsum tímum. Bækurnar eru festar á ljósastaura í þægilegri lestrarhæð fyrir alla fjölskylduna. Það er Barnabókasetur - rannsóknarsetur um barnabókmenntir og lestur barna við Háskólann á Akureyri sem hvetur með þessum hætti til lestrargöngu. Setrið hefur það að markmiði að efla bóklestur barna og unglinga og auka veg barnabókmennta í samfélaginu. Járnbækurnar bjóða upp á að fjölskyldur sameini útivist og lestur, styrki með því böndin og auki áhuga barnanna á lestri. Sumar bækurnar munu foreldrar kannast við frá því í bernsku, aðrar eru nýlegar og þekktar meðal barnanna. Margar tengjast þær Akureyri á einhvern hátt. Meðal járnbókanna eru til dæmis Aukaspyrna á Akureyri eftir Gunnar Helgason, Sossa sólskinsbarn eftir Magneu frá Kleifum og Blíðfinnur og svörtu tengingarnir eftir Þorvald Þorsteinsson.