Vísindakakó er viðburður fyrir forvitna krakka sem vilja eiga beint samtal við vísindafólk, heyra hvað það er að rannsaka og hvernig það er að starfa í vísindum.

Á vísindakakó gefst gestum tækifæri á að hitta aðila úr vísindasamfélaginu í óformlegu spjalli um þær vísindarannsóknir sem viðkomandi leggur stund á og ekki síst fá að spyrja ótal spurninga um allt það sem við kemur því að starfa við rannsóknir og vísindi.

 

Á þessu Vísindakakói mun Helena Sigurðardóttir, kennsluráðgjafi hjá Háskólanum á Akureyri, ræða við gesti um sitt rannsóknastarf við HA.

Gert er ráð fyrir að viðburðurinn sé um ein klukkustund og að sjálfsögðu verður boðið upp á kakó og kleinur á meðan birgðir endast.

 

Aðgangur er ókeypis og öll velkomin

 

Heildardagskrá fyrir Vísindakakó má sjá á heimasíðu Vísindavöku: https://www.visindavaka.is/vidburdir/visindakako/