Á sýningunni Tónlistarbærinn Akureyri leikum við okkur með að setja saman orgel, pípu fyrir pípu, raða nótum og tengja við vindhlöðu, setja saman orgelhúsið og auðvitað prófa hljóðfærið.

Í lokin flytjum við saman ævintýri fyrir orgel og sögumann sem samið var sérstaklega fyrir orgelið.

Orgelkrakkar er stórfróðlegt og skemmtilegt verkefni sem hefur notið mikillar velgengni í Evrópu undanfarin ár.

Orgelið sem um ræðir er afar einfalt að gerð, lítið og nett og stærðin passar börnum vel. Það kemur í bitum eða kubbum og er til þess gert að taka í sundur og setja saman aftur. Svona eins og úr legó eða trékubbum.

Það er organistinn Sigrún Magna Þórsteinsdóttir sem stjórnar þessari stund sem tekur klukkutíma og ætluð krökkum á aldrinum 6-12 ára.

Þátttökugjald er ekkert - skráning á minjasafnid@minjasafnid.is

Hvar: Minjasafnið á Akureyri, Aðalstræti 58
Hvenær: 12. apríl
Klukkan: 12.00 – 13.00
Aldur: 6-12 ára
Algjörlega ókeypis
Skráning nauðsynleg - minjasafnid@minjasafnid.is
Viðburðurinn er styrktur af Barnamenningarsjóði Akureyrarbæjar