Þann 27.ágúst næstkomandi, á Akureyrarvöku, ætlum við að halda viðburð á Amtsbókasafninu þar sem lánaðar verða út mennskar bækur.

Eins og áður er enginn aðgangseyrir!

Fyrsta mennska bókasafnið opnaði í Danmörku árið 2000 og síðan þá hafa viðburðir á vegum þeirra farið fram í 85 löndum.

Á hinu mennska bókasafni gefst tækifæri til þess að spjalla í um hálftíma við einstaklinga og spyrja þá út í sínar upplifanir.

Á síðasta viðburði vorum við með 6 bækur: Flóttamaður, Lögregla, Vegan, Tvíkynhneigð, Lífsörmögnun og Öryrki.

Helmingur bókanna verður aftur með okkur og svo bætast fjórar glænýjar í hópinn!

 

Viltu komast að því hvaða mennsku bækur verða í boði?

Kíktu á Amtsbókasafnið á bilinu 13:00-16:00 laugardaginn 27.ágúst!
Þar verðum við með bókalista í anddyrinu og þið getið tekið frá þá titla sem þið eruð spenntust fyrir ef þeir eru þegar í útláni þegar þið komið!
Á borðunum verða líka listar með hugmyndum að spurningum ef ykkur dettur ekkert í hug!

Fyrstir koma, fyrstir fá.