Opni leikskólinn hefur verið starfandi á höfuðborgarsvæðinu síðustu 3 ár en ætlar nú að bjóða upp á viðburði á Akureyri í samstarfi við Amtsbókasafnið. Helga Sif heldur utan um Memmm Play á Akureyri en hún er sjálfstætt starfandi iðjuþjálfi.
Memmm Play býður fjölskyldum upp á að koma saman í öruggt og fjölskylduvænt umhverfi þar sem börn geta leikið sér, eflt félags þroska sinn og tengst jafningjum. Opni leikskólinn leggur sérstaka áherslu á að styðja foreldra í nýju hlutverki sínu og stuðla að sterkri tengslamyndun barna í skemmtilegu og afslappandi umhverfi.

 

Á þessum fyrsta viðburði Memmm Play munum við hliðra til bókarekkum til að stækka rýmið í barnadeildinni svo það verður nóg pláss til að leika og hafa gaman. Helga kemur með ýmis leikföng fyrir yngstu kynslóðina og bókasafnið býður upp á kaffi fyrir þá eldri. Klukkan 11:00 er söngstund þar sem þeir sem vilja geta tekið þátt. Opni leikskólinn er opinn fyrir alla með ungbörn sem vilja koma og eiga skemmtilega stund t.d. foreldrar, ömmur/afar, frænkur/frændar, aupair og dagmömmur.
Börn eru á ábyrgð forráðamanna.