* Birt með fyrirvara um breytingar
Ritlistakeppni Ungskálda 2024
Skilafrestur er til miðnættis 31. október
Samhliða seinna ritlistakvöldi Ungskálda er efnt til ritlistakeppni fyrir ungt fólk á aldrinum 16-25 ára þar sem veitt eru peningaverðlaun fyrir efstu þrjú sætin. Engar hömlur eru settar á texta, hvorki varðandi efnistök né lengd. Þeir þurfa þó að vera á íslensku og vera frumsamið hugverk. Til þess að taka þátt í keppnina þá er ritverki skilað inn í gegnum rafrænt eyðublað sem er aðgengilegt á hlekknum hér fyrir neðan.
Tilvalið er fyrir áhugasama að taka þátt í ritlistakvöldum Ungskálda en þó þurfa þeir sem senda inn verk í keppnina ekki að taka þátt í ritlistasmiðjunum eða öfugt.
Kaffihúsakvöld Ungskálda
Miðvikudaginn 6. nóvember á LYST í Lystigarðinum kl. 20.00-21.30
Skemmtileg upphitun fyrir úrslit í ritlistakeppninni. Ætlað ungu fólki á aldrinum 16-25 ára sem hefur áhuga á ritlist. Frábært tækifæri til að læra eitthvað nýtt, kynnast skrifum annarra og jafnvel lesa upp sín eigin verk.
Veitingar í boði fyrir skráða gesti.
Úrslit í ritlistakeppni Ungskálda 2024
Dómnefnd kunngerir úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri á degi íslenskrar tungu þann 16. nóvember kl. 14.
Um verkefnið Ungskáld
Ungskáld er verkefni á Akureyri sem miðar að því að efla ritlist og skapandi hugsun hjá ungu fólki á aldrinum 16-25 ára.
Verkefnið hófst árið 2013 og er það eina sinnar tegundar á landinu. Haldin er ritlistakeppni þar sem veitt eru peningaverðlaun fyrir efstu þrjú sætin. Engar hömlur eru settar á texta, hvorki varðandi efnistök né lengd. Þeir þurfa þó að vera á íslensku og vera frumsamið hugverk. Til þess að örva áhugasama og styðja á ritlistabrautinni er boðið upp á námskeið í skapandi skrifum og skapandi hugsun. Leiðbeinendur koma úr ólíkum áttum. Á síðustu árum hefur til að mynda verið leitað til Gunnars Helgasonar, Snæbjörns Ragnarssonar, Kamillu Einarsdóttur, Dóra DNA og Yrsu Sigurðardóttur. Ritlistakvöld Ungskálda hafa einnig slegið í gegn en þar er gestum boðið upp á veitingar, upplestur og tónlistaratriði. Tilvalinn vettvangur til að mynda tengsl í gegnum ritlistina.
Í nefnd Ungskálda eru fulltrúar frá Atvinnu-, markaðs- og menningarteymi Akureyrarbæjar, Verkmenntaskólanum á Akureyri, Menntaskólanum á Akureyri, Ungmennahúsinu í Rósenborg og Amtbókasafninu.
Ungskáld Akureyrar 2023 er Eyrún Lilja Aradóttir.
Hægt er að lesa sigurverkið Að drepa ömmu 101 HÉR
Fréttatilkynning HÉR
Verkefnið er styrkt af Uppbyggingarsjóði Norðurlands eystra og Akureyrarbæ.