Má bjóða þér frítt í bíó í tilefni Frönsku kvikmyndahátíðarinnar á Akureyri fimmtudaginn 6. febrúar kl. 17.00 í Sambíóunum Akureyri?
Un p'tit truc en plus / Eitthvað smá aukalega - "Un p'tit truc en plus" er frönsk gamanmynd frá árinu 2024, leikstýrð af Artus, sem einnig fer með aðalhlutverk í myndinni.
Þessi hlýja og skemmtilega kvikmynd segir frá óvæntum tengslum sem myndast á ólíklegustu stöðum.
Þegar hópur fólks með ólíkan bakgrunn kemur saman, leiðir tilviljun til dásamlegra augnablika sem minna okkur á fegurðina í smáatriðum lífsins.
Með léttum húmor og hjartnæmum boðskap er kvikmyndin falleg áminning um að stundum eru það litlu hlutirnir sem skipta mestu máli.
Myndin er opnunarmynd Franskrar Kvikmyndahátíðar 2025.
Myndin hefur notið mikilla vinsælda í Frakklandi og hefur slegið aðsóknarmet með yfir 10 milljónir seldra miða síðan hún kom út 1. maí 2024.
Myndin verður sýnd á frönsku með íslenskum texta.
Mynd þessi er leyfð öllum aldurshópum.
Aðalhlutverk: Ludovic Boul, Stanislas Carmont, Marie Colin, Théophile Leroy.
Leikstjóri: Artus
Lengd: 99 mín.
Franska kvikmyndahátíðin er haldin í samstarfi við Bíó Paradís og skipulögð af sendiráði Frakklands á Íslandi, Alliance Francaise de Reykjavík, Institut Francais, Sambíóunum Akureyri, True North og Akureyrarbæ.