Folf, eða frisbígolf er íþrótt sem nýtur sí meiri vinsælda og eru 4 vellir staðsettir í bænum og næsta nágrenni, einnig eru vellir í Hrísey og í Grímsey.
Á Hömrum/Kjarna og háskólasvæðinu eru 18 körfu vellir, á Hamarskotstúni og á Eyrinni eru 9 körfu vellir (völlurinn á Eyrinni er dálítið dreifður) og einnig í Hrísey og Grímsey. Íþróttin fylgir reglum í golfi upp að vissu marki og er frábær skemmtun utandyra fyrir alla fjölskylduna sem hægt er að stunda allan ársins hring. Hér er hægt að finna skortkort til að prenta út og hafa með á völlinn.
Nánari upplýsingar um vellina og kort má finna hér fyrir neðan:
Eiðsvöllur – púttvöllur
Á Eiðsvelli er skemmtilegur púttvöllur með stuttum brautum en nóg er að taka með sér pútterinn þegar þessi völlur er spilaður.
Hér er kort af vellinum
Hamarkotstún
Á Hamrakotstúni við Þórunnarstræti (gengt sundlauginni) er 9 körfu völlur. Flestar eru brautirnar frekar stuttar en krefjandi en tveir teigar eru á hverri braut. Völlurinn er mjög skemmtilegur og umhverfið fallegt. Völlurinn er með vinsælli folfvöllum á landinu enda ófáir ásar sem þarna koma. Gott er spila með pútterum eða midrange diskum á vellinum.
Hér er kort af vellinum
Hamrar / Kjarnaskógur
Þessi skemmtilegi og fjölbreytti 18 holu völlur liggur fyrir ofan tjaldsvæðið að Hömrum en fyrsta brautin er reyndar inn á tjaldsvæðinu og þá er kastað yfir eina af tjörnunum sem þar eru. Völlurinn reynir töluvert á hæfni spilara en hægt er að velja um bláa og rauða teiga. Verið er að vinna að stækkun vallarins í 18 brautir og verður hann þá annar völlurinn á landinu með 18 brautir, hinn er í Gufunesi. Skorkort og kort fást í þjónustumiðstöðinni auk þess sem þar eru seldir diskar.
Hér er kort af vellinum.
Háskólasvæði
Völlurinn er á frábæru svæði við Háskólann á Akureyri. Hann er með 18 brautum og aðeins sá þriðji í þeirri stærð á landinu en hann einnig sá fyrsti sem ekki er hannaður sem keppnisvöllur í þessari stærð.
Þannig eru flestar brautir stuttar og þægilegar en lengsta brautin er 116 metrar og einungis eru 4 brautir yfir 100 metra á lengd.
Hér er kort af vellinum
Hrísey
Í Hrísey er flottur 9 körfu völlur á frábærum stað í skógræktinni með upphafsteig við gamla skólann. Tveir teigar eru á hverri braut sem gerir völlinn hentugan fyrir byrjendur sem og lengra komna.
Hér er kort af vellinum
Grímsey
Á nyrsta odda Íslands má finna 9 brautar völl, stutt frá heimskautsbaugnum. Það var Kiwanisklúbburinn Grímur í Grímsey sem stóð að framtakinu með styrk úr sjónum Brothættum byggðum.
Hér er kort af vellinum
Annað:
Skortkort (PDF) til útprentunar
Diskaleiga hjá fyrirtækinu Fuzz
Heimasíða: fuzz.is/akureyri/
Netfang: akureyri@fuzz.is
Um frisbígolf
Folfvellir á Íslandi